*कालभैरवाष्टकम्*
कालभैरवाष्टकम्-
ॐ
यं यं यं यक्षरूपं दशदिशिवदनं भूमिकम्पायमानं
सं सं संहारमूर्तिं शिरमुकुटजटाशेखरं चन्द्रबिम्बम्।
दं दं दं दीर्घकायं विकृतनखमुखं चोर्ध्वरेखा कपालं
पं पं पं पापनाशं प्रणत पशुपतिँ भैरवं क्षेत्रपालम् ।१।
रं रं रं रक्तवर्णं कटिकटिततनुं तीक्ष्णदंष्ट्राकरालं
घं घं घं घोषघोषं घ घ घ घ घटितं घर्घरं घोरनादम्।
कं कं कं कालपाशं धृकधृकधृकितं ज्वालितं कामदेहं
तं तं तं दिव्यदेहं प्रणत पशुपतिँ भैरवं क्षेत्रपालम् ।२।
लं लं लं लं वदन्तं ल ल ल ल ललितंदीर्घजिह्वाकरालं
धुं धुं धुं धूम्रवर्णं स्फुटविकटमुखं भास्करं भीमरूपम्।
रुं रुं रुं रुण्डमालं रवितमनियतं ताम्रनेत्रं करालं
नं नं नं नग्नभूषं प्रणत पशुपतिँ भैरवं क्षेत्रपालम् ।३।
वं वं वं वायुवेगं नतजनसदयं ब्रह्मपारं परं तं
खं खं खं खड्गहस्तं त्रिभुवननिलयं भास्करं भीमरूपम्।
चं चं चं चं चलित्वा चलचलचलितं चालितं भूमिचक्रं
मं मं मं मायिरूपं प्रणत पशुपतिँ भैरवं क्षेत्रपालम् ।४।
शं शं शं शङ्खहस्तं शशिकरधवलं मोक्षसंपूर्णतेजं
मं मं मं मं महान्तं कुलमकुलकुलंमन्त्रगुप्तं सुनित्यम्।
यं यं यं भूतनाथं किलिकिलिकिलितं बालकेलिप्रधानं
अं अं अं अन्तरिक्षं प्रणत पशुपतिं भैरवं क्षेत्रपालम् ।५।
खं खं खं खड्गभेदं विषममृतमयं कालकालं करालं
क्षं क्षं क्षं क्षिप्रवेगं दहदहदहनं तप्तसन्दीप्यमानम्।
हौं हौं हौंकारनादं प्रकटितगहनंगर्जितैर्भूमिकम्पं
बं बं बं बाललीलं प्रणत पशुपतिँ भैरवं क्षेत्रपालम् ।६।
सं सं सं सिद्धियोगं सकलगुणमखं देवदेवं प्रसन्नं
पं पं पं पद्मनाभं हरिहरमयनं चन्द्रसूर्याग्निनेत्रम्।
ऐं ऐं ऐश्वर्यनाथं सततभयहरं पूर्वदेवस्वरूपं
रौं रौं रौं रौद्ररूपं प्रणत पशुपतिँ भैरवं क्षेत्रपालम् ।७।
हं हं हं हंसयानं हषितकलहकं मुक्तयोगाट्टहासं
धं धं धं नेत्ररूपं शिरमुकुटजटाबन्धबन्धाग्रहस्तम्।
टं टं टङ्कारनादं त्रिदशलटलटं कामवर्गापहारं
भृं भृं भृं भूतनाथं प्रणत पशुपतिँ भैरवं क्षेत्रपालम् ।८।
इत्येवं कामयुक्तं प्रपठति नियतं भैरवस्याष्टकं यो
निर्विघ्नं दुःखनाशं सुरभयहरणं डाकिनीशाकिनीनाम्।
नश्येद्धिव्याघ्रसर्पौ हुतवहसलिले राज्यशंसस्य शून्यं
सर्वा नश्यन्ति दूरं विपद इति भृशं चिन्तनात्सर्वसिद्धिम् ।९।
भैरवस्याष्टकमिदं षण्मासं यः पठेन्नरः।
स याति परमं स्थानं यत्र देवो महेश्वरः ।१०।
सिन्दूरारुणगात्रं च सर्वतत्त्वविवर्जितम् ।
मुकुटाग्रधरं देवं भैरवं प्रणमाम्यहम् ।११।
🙏जय हो काशी के कोतवाल की🙏
🌹बं भैरव🌹
Acharya Kashyap
पं0 सतीश चन्द्र पाण्डेय "काशी" वाराणसी
Comments
Post a Comment